دي مجموعة اضافات لمتصفح الجوجل كروم هاتفيدك جدا في حياتك بتساعدك وبتسهلك حاجات كتير بتعملها وليها امكانيات جميلة.
اول اضافة اسمها Care Your Eyes ودي بتسمحلك انك تحول اي موقع صفحته بيضاء مزعجة الى اللون الاسود حتى لو كان الفيسبوك.
الهدف منها ان اللون الابيض في بعض المواقع بيكون عامل اضاءة عالية ممكن تزعج عينيك وبالتالي تقدر تغير اللون بتاع الموقع الى لون غامق مظلم يريح عينك وفي اي وقت تقدر ترجع اللون الطبيعي تاني..
ده اللينك بتاعها :
https://goo.gl/BS8KHC
.
تاني اضافة عندي هي الAdblock اللي لا غنى عنه طبعا وده بيمنع الاعلانات المزعجة الكتير على جميع المواقع زي اليوتيوب وكمان بيمنع الصفحات المنبثقة اللي بتفتح فجأة لما تدخل على بعض المواقع..
ده اللينك :
https://goo.gl/ES2EVx
.
تالت اضافة هي Download FB Albums ودي بتسمحلك بضغطة واحدة انك تنزل عندك اي البوم صور على الفيسبوك بدون ما تقعد تفتح كل صورة وتحفظها بشكل ممل.
https://goo.gl/7onI9
.
رابع اضافة بستعملها هي الMarker ودي بتسمحلك انك تعلم او تحدد اي كلمات او جمل في اي صفحة باللون الأصفر المميز او بأي لون تاني زي الماركر اللي بنستعمله أثناء المذاكرة..بتسهل عليك قراءة المقالات وتحديد المهم فيها.
https://goo.gl/zcdH2
.
خامس اضافة هي الImage Downloader ودي بقا بتخليك تنزل أي صور على موقع دفعة واحدة وكمان بعض المواقع بتكون صورها محمية وممنوع تنزلها فبالاضافة دي ضغطة واحدة بتقوم منزلها.
https://goo.gl/QqfWZ
.
سادس اضافة ودي بعشقها شخصيا وهي Full Page Screen Capture بضغطة واحدة بتقوم واخدة سكرين شوت لكل الصفحة " مهما كان طولها ".
السكرين شوت العادية بتاخد صورة الصفحة المعروضة فقط, لذلك لو صفحة او بوست طويل قوي عالفيس مثلا او مقالة طويلة مش هتقدر تحفظها كسكرين شوت الا على مراحل عشان حجم الشاشة.
لذلك الاضافة دي بتاخد الصفحة كلها او البوست كله بالكاااااامل :
https://goo.gl/eUSSY
.
سابع اضافة هي Save as PDF ودي بتسمحلك تحفظ وتخزن الصفحة اللي انت فاتحها ككتاب PDF يعني مثلا لو مقالة طويلة ممكن تخزن صفحتها عندك على هيئة كتاب صغير تلف فيه براحتك في اي وقت بدل ما تحفظ الصفحة نفسها بشكل ممل..
https://goo.gl/NPIvk
.
ثامن اضافة هي الgoogle shortener ودي بضغطة واحدة بتعملك لينك مختصر للصفحة بدل اللينك الطويل بتاعها..ودي بستعملها في البوست ده زي مانت ملاحظ
https://goo.gl/ygGS6
.
الاضافة ماقبل الاخيرة هي طبعا الgoogle translate ودي بضغطة واحدة تفتحلك ترجمة جوجل او تترجملك صفحة بأكملها من الانجليزي للعربي لكن في بعض الاحيان بتكون ترجمة مش دقيقة يعني ركز برضه..
https://goo.gl/MGPBw
.
آخر اضافة هي Avira Browser Safety ودي بتريحك كتير من الصفحات المقرصنة او اللي عليها فيروسات ولو جيت تدخل على صفحة غير آمنة بتنبهك قبل ما تفتحها يعني من الاخر امان مريح بأضافة بسيطة..
https://goo.gl/vLDY9D
0 التعليقات:
إرسال تعليق