بعد ان شرحت في الموضوع السابق عن طريقة عمل رووت لأي جهاز وهذا هو الموضوع اضغط هنا
في هذا الموضوع الجديد سوف اشرح طريقة تركيب ريكفري معدل وروم معدلة.
فى البداية بقولكم اني طبعا مش هاعرف احط الريكفري الخاص بكل الموبايلات وكمان الروم ف انت اكيد هاتتعب علي ماتدور علي ريكفري وروم للموبايل الخاص بيك.
طبعا اكبر موقع اجنبي خاص بالموضوع ده هو XDA وهو غني عن التعريف طبعا بس فى ناس كتير ماتعرفوش وانا هاشرح هو عبارة عن ايه.
موقع او منتدى XDA عبارة عن مكان يتجمع فيه عمالقة برمجة الرومات المعدلة للهواتف الأندرويد وغالبا الموقع ده فيه كل الهواتف تقدر تدور عليه على نوع موبايلك وتجيب منه رومات معدلة لموبايلك وريكفري.
طبعا علشان تعرف تركب روم لجهازك هاتحتاج تعمل رووت وده الى شرحته فى الموضوع الأول وكمان هاتحتاج تركب ريكفري معدل وده انا هاشرحه انهاردة.
أولا :- ماهو الريكفري ؟
الريكوفري هو وضع في الاندرويد نقوم بالدخول عليه عن طريق ضغط زر رفع الصوت والهوم والباور في آن واحد
وفي بعض الاجهزة الاخري ضغط زر الهوم والباور فقط وفي اجهزة اخري نقوم بضغط زر رفع الصوت وخفض الصوت معاً مع ضغط زر الباور.
طبعا كل الأجهزة تكون فيها ريكفري جاهز بس لازم تحط ريكفري معدل علشان تعرف تركب روم معدلة وأنواعها هي :-
Clockwork Mod Recovery:-
او ما تعرف باسم CWM وهي ريكوفري مطبوخة وعن طريقها يمكن التعديل علي النظام باستخدام ملفات مضغوطة بصيغة zip يصنعها المطورين لجهازك ونقوم بتنصيبها عن طريق الريكوفري المطبوخ
TeamWin Recovery Project:-
او ما تعرف باسم TWRP وهي ريكوفري مطبوخة ايضاً ولها نفس مميزات ال CWM لكن مع اضافة بعض التفاصيل والتغير الكامل في الشكل
Philz touch recovery:-
وهي نسخة معدلة من CWM وهي تختلف بامكانية التحكم في الشكل والالوان و انك يمكنك التحكم بها عن طريق اللمس (Touch).
طريقة تركيب الريكفري المعدل هي :-
تحمل برنامج من البلاي ستور للتحميل اضغط هنا
بعد تحميل البرنامج قم بفتحه هتلاقي قدامك الأنواع زي الصورة دى :-
طبعا افضل نوع هو TWRP ويعمل علي اغلبية الأجهزة ولكن فى اجهزة مابتقبلوش وبيحصل مشاكل معاه.
بعد ما تضغط على النوع الى عايزو قم بتحميل ملف الريكفري وبيكون صيغته img وبعد ما يتحميل هاتضغط عليه هايطلعلك زي الصورة كدا
هاتضغط علي GO كدا الريكفري نزل بعدها بقي عايزين نركب روم معدلة انشاء الله هاكمل الشرح فى الموضوع الجاي الى هايبقي عبارة عن طريقة عمل روم معدلة واكبر تجميعه للبرامج المهمة للرووت.
انتظرو الشرح القادم وتابعونا علي صفحة الفيس بوك لكل الأخبار والتحديثات :- https://www.facebook.com/techprof.net/
0 التعليقات:
إرسال تعليق