طبعا اي حد هايشوف عنوان الموضوع هايقول انو هبل وان الريفرش بيسرع الجهاز زي ما بيتهيائلي كدا 99.9% من الناس فاكرة انو بيسرع الجهاز :D خلينا نعرف بقي ايه فايدته الحقيقية وليه بيبطأ الجهاز.
اولا فى ويندوز 95 ماكنش فى خيار الريفرش فى الويندوز وكان فى مشكلة ساعتها ان ساعات لما بننقل ملف او ننسخ ملف متلاقيهوش بعدها فبيطرو انهم يخرجو من الفولدر ويفتحوه تاني كأنهم عملو Reload يعني علشان الملف يظهر.
في يندوز 98 بدأ ينزل خيار ال Refresh وبقي موجود لما تضغط كليك يمين علي الديسكتوب او تضغط علي F5 من الكيبورد.
فى ناس بدأت تعرف دلوقتي ايه فايدته والي لسه مافهمش حاجة افهمك بقي ايه فايدته :-
زرار الريفرش بيعمل ريفرش للصفحة الى انت فاتحها او Reload علشان لو عدلت حاجة في فولدر مثلا او فى الديسكتوب لما تعمل Refresh تلاقي التعديلات بتاعتك اتعملت وطبعا امر زي ده ان الصفحة تعمل Reload بتستهلك من الرامات والبروسيسور بتاع الجهاز فعلشان كدا زرار الريفرش مابيسرعش الجهاز لكن بيبطئه علشان انت كدا بتزود استهلاك الرامات والبروسيسور.
فى ناس تلاقيها مثلا فاتحة اى برنامج وبتعمل ريفرش علي الديسكتوب او مثلا بيفتح الفوتوشوب والبرنامج فتحه بطئ تلاقيهم شغالين ريفرش علي الديسكتوب طب مال الديسكتوب ومال الريفرش ومال الفوتوشوب ياعم الحاج , هو الجهاز ناقص تقل علشان انت تتقله اكتر بأمر اعادة التحميل.
والدليل علي كدا ان لما بتعمل ريفرش هتلاقي استهلاك البروسيسور والرامات فى ال Task Manger بيزيد والايقونات هتلاقيها بتختفي وتظهر.
0 التعليقات:
إرسال تعليق